Պաշտոնական անձանց գնահատմամբ՝  Գազայի մերձակայքում գտնվող իսրայելական համայնքների վրա պաղեստինյան ՀԱՄԱՍ խմբավորման իրականացրած զանգվածային հարձակման և Իսրայելի ուղղությամբ արձակված հազարավոր հրթիռների զոհերի թիվն անցնում է  500-ից, հաղորդում է Times of Israel-ը:

Զոհվածների թվում են տասնյակ զինվորներ և ոստիկաններ։

Իսրայելի առողջապահության նախարարությունը նաեւ հաստատել է, որ հիվանդանոցներում վիրավորների թիվը հասել է 2048-ի, որոնցից 20-ը ծայրահեղ ծանր վիճակում են, իսկ 330-ը՝ ծանր վիրավորներ։

Զինվորականները հարձակումից ավելի քան 30 ժամ անց սահմանամերձ համայնքներում շարունակում են մարտերը զինյալների դեմ:

Ըստ Wafa գործակալության՝ այս տարվա սկզբից իսրայելական ուժերի և վերաբնակիչների կողմից ընդհանուր առմամբ 572 պաղեստինցի է սպանվել, այդ թվում՝ 313-ը՝ Գազայի հատվածում իսրայելական ագրեսիայի ընթացքում, ասվում է առողջապահության նախարարության այսօրվա զեկույցում։