News
Լրահոս
News
Երեքշաբթի
Մարտ 05
Տեսնել լրահոսը

Իրանը հրապարակել է այն դերասանուհիների պաշտոնական ցուցակը, որոնց արգելվում է նկարահանվել ֆիլմերում՝ հիջաբ կրել հրաժարվելու պատճառով։ Այս մասին երեքշաբթի՝ հոկտեմբերի 25-ին, հայտարարել է Իրանի կինոյի մասնագիտական ​​գնահատման և վերահսկման գլխավոր տնօրինության ղեկավարի տեղակալ Հաբիբ Իլ Բեգին՝ IRNA պետական ​​լրատվական գործակալությանը տված հարցազրույցում։ Արգելքը չի ազդի այն ֆիլմերի վրա, որոնք արդեն նկարահանվել են առանց պարտադիր հիջաբի դերասանուհիների մասնակցությամբ, քանի որ գումարն արդեն ծախսվել է։ Սակայն նրանց արգելվում է նկարահանվել նոր կինոնախագծերում։

«Սահմանափակումների պատճառով այս դերասանուհիներն այլևս չեն կարողանա շարունակել իրենց կինոկարիերան։ Նրանց նախորդ աշխատանքներն աստիճանաբար կթողարկվեն՝ հարգելու կինոարտադրողների շահերը՝ հաշվի առնելով այս նախագծերում ներդրված զգալի գումարները։ Բայց նրանց կարգելվի մասնակցել հետագա ֆիլմերին»,- ասաց պաշտոնյան։

«Սև ցուցակում» ընդգրկվել են իրանցի մի քանի հայտնի դերասանուհիներ, ինչպիսիք են Բարան Քոսարին, Վիշկա Ասայեշը, Տարանե Ալիդոստին, Քաթայուն Ռիահին, Պանթեա Բահրամը, Հենգամե Ղազիանին, Պեգա Ահանգարանին և այլք:

Բազմաթիվ իրանցի դերասանուհիներ 2022 թվականին Մահսա Ամինիի սպանությունից հետո բողոքի ակցիաների ժամանակ, ի նշան համերաշխության, դեմոնստրատիվ կերպով հրապարակել են առանց հիջաբի իրենց լուսանկարները։ Նրանց բողոքները լարվածություն են առաջացրել Իսլամական Հանրապետության պետական ​​հեռարձակողի հետ, ինչը հանգեցրել է նրան, որ դերասանուհիները հեռացվել են հեռուստատեսային սիթքոմներից և ֆիլմերից, որոնցում նրանք նախկինում նկարահանվել են, կամ դրանք ընդհանրապես դադարեցվել են:

22-ամյա Ամինին մահացել է հիվանդանոցում այն ​​բանից հետո, երբ ձերբակալվել է Իրանի բարոյականության ոստիկանության կողմից՝ հիջաբն անպատշաճ կրելու մեղադրանքով: Ամինիի ընտանիքը պնդում էր, որ նա ծեծի է ենթարկվել անվտանգության ուժերի կողմից: Ոստիկանության բռնության դեմ բողոքի ցույցերը բռնկվեցին ողջ երկրում և դաժանորեն ճնշվեցին. ավելի քան 500 մարդ զոհվեց, տասնյակ հազարավորներ բերման ենթարկվեցին, մի քանի մասնակիցներ մահապատժի ենթարկվեցին։

2023 թվականին Ամինին հետմահու արժանացել է Սախարովի անվան մրցանակի՝ Եվրոպական միության մարդու իրավունքների ամենակարեւոր մրցանակին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանն ու Ֆրանսիան կհամագործակցեն կինոյի բնագավառում
Հայաստանի ազգային կինոկենտրոնը Բեռլինի միջազգային 74-րդ կինոփառատոնին…
Դանիել Դանիելյանը «Ֆաջր» 42-րդ միջազգային կինոփառատոնի շրջանակում մի շարք հանդիպումներ է ունեցել
ՀՀ կրթության, գիտության, մշակույթի և սպորտի նախարարի տեղակալ Դանիել...
Հայաստանում էապես կսահմանափակվի քրեական տարրերով ֆիլմերի ցուցադրությունը
Նա համոզված է, որ նման ֆիլմերը բացասաբար են անդրադառնում անչափահասների վրա։ Դրանք, ըստ...
Ալեն Սիմոնյանն առաջարկում է սահմանափակել «քրեական ենթամշակույթի քարոզ պարունակող» ֆիլմերի ցուցադրության ժամերը
Կառավարությունն իր այսօրվա՝ հունվարի 25-ի նիստում հավանություն տվեց...
Նոր կարգավորում. ՀՀ-ում վարձութային վկայականը պարտադիր կդառնա ֆիլմերի բոլոր տեսակի ցուցադրությունների համար
Կառավարությունն իր այսօրվա՝ հունվարի 18-ի նիստում հաստատեց Վարձութային...
Ուկրաինայում պաշտոնապես ռեաբիլիտացրել են կինոռեժիսոր Սերգեյ Փարաջանովին
Փարաջանովն Ուկրաինայում ռեաբիլիտացվել է...
Ամենաշատ