ՀԱՄԱՍ շարժման կողմից պահվող պատանդների ազատման բանակցություններում այժմ ոչ մի առաջընթաց չկա, «ՌԻԱ Նովոստի»-ին տեղեկացրել է ՀԱՄԱՍ-ի քաղբյուրոյի անդամ եւ արտաքին կապերի բաժնի ղեկավար Մուսա Աբու Մարզուկը։
«Ոչ, դա ճիշտ չէ»,- ասել է նա՝ պատասխանելով այն հարցին, թե արդյոք իսկապես առաջընթաց կա պատանդների ազատման բանակցություններում։
Նա նշել է, որ հոկտեմբերի 10-ին «պատանդների ազատման մասին բանակցությունները սկսվել են արեւմտյան, տարածաշրջանային եւ միջազգային ներկայացուցիչների կողմից»։
Նրա խոսքով՝ «տասնյակ արեւմտյան եւ տարածաշրջանային պատվիրակներ՝ կատարցիներ, եգիպտացիներ, նորվեգացիներ, իտալացիներ, չինացիներ եւ շատ այլ երկրների ներկայացուցիչներ եկել են մեզ մոտ (ՀԱՄԱՍ)՝ պահանջելու, որ ազատ արձակենք պատանդներին»։