Մեծ Բրիտանիան կգումարի COBRA արտակարգ իրավիճակների արձագանքման կառավարական կոմիտեի նիստ՝ քննարկելու համար ներքին անվտանգության սպառնալիքը, որն առաջացել է Իսրայելի եւ ՀԱՄԱՍ-ի միջեւ հակամարտության հետեւանքով։
Հակասեմական եւ իսլամատյաց միջադեպերը Բրիտանիայում կտրուկ ավելացել են այն բանից հետո, երբ հոկտեմբերի 7-ին ՀԱՄԱՍ-ի զինյալների հարձակումն Իսրայելի վրա հրահրեց պատասխան գրոհներ Գազայի հատվածի դեմ։ Պաղեստինամետ զանգվածային ցույցեր տեղի ունեցան Լոնդոնում եւ Մեծ Բրիտանիայի խոշոր քաղաքներում, իսկ հրեական խմբերը նստացույցեր կազմակերպեցին։
«Մենք պետք է համոզվենք, որ բրիտանական համակարգերը պաշտպանված են ահաբեկչության սպառնալիքից, ինչպես միշտ անում է կառավարությունը»,- ասել է բարձրագույն կրթության նախարար Ռոբերտ Հալֆոնը Times Radio-ի հարցազրույցում։
МИ5 բրիտանական հետախուզական գործակալությունը ներկայում ահաբեկչության սպառնալիքը համարում է էական, իսկ դա նշանակում է, որ հարձակումը միանգամայն հավանական է։
Գոյություն ունի սպառնալիքի երկու ավելի բարձր կարգ՝ լուրջ, որը նշանակում է, որ գրոհը շատ հավանական է, եւ կրիտիկական, որը նշանակում է, որ գրոհը միանգամայն հավանական է մոտ ապագայում։