Լույս աշխարհ է եկել Արցախյան երրորդ պատերազմում զոհված Գևորգ Խաչատրյանի եղբայրը:
«Ամուսինս ուզեց, որ Գևորգի անունով կոչենք փոքրիկին։ Բայց մենք հասկանում ենք, որ երեխաները տարբեր են։ Ինքը Գևորգ երկրորդն է»,- ասում է տիկին Լիլիթը։
Ծնողները խոստովանում են՝ երեք տարի իրենց կյանքն անգույն էր ու միապաղաղ, չկար ապրելու, առաջ նայելու որևէ հենակետ։ Այժմ կյանքը նոր երանգ է ստացել, ընտանեկան մթնոլորտը փոխվել է։
«Անդառնալի կորստից հետո լույս է մտնել մեր տուն, լույսի կտոր, որով պետք է սփոփվենք»,- ասում է Լիլիթը։
Արթուրը նույնպես անհամբեր սպասել է փոքրիկ եղբորը։
Գևորգ Խաչատրյանը զոհվել է 2020 թ. հոկտեմբերի 10-ին:
Մանրամասն՝ «Զինուժ»-ի պատրաստած տեսանյութում։