![](img/news/79/38/57/default.jpg)
Հայաստանի ղեկավարության որոշումը ՀԱՊԿ միջոցառումներին չմասնակցելու մասին ափսոսանք է առաջացնում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք չենք կարծում, թե այդ որոշումը համապատասխանում է հայ ժողովրդի շահերին եւ կնպաստի մեր բարեկամական երկրի անվտանգությանն ու կայունությանը։ Հայ գործընկերները մտադիր չեն արգելակել աշխատանքները կազմակերպության կանոնադրական մարմիններում, խանգարել արդեն համաձայնեցված փաստաթղթերի իրականացմանը։ Ըստ էության, դա Երեւանի համար բաց դռներ է թողնում եւ թույլ է տալիս նրան հետագայում միանալ աշխատանքին։ Մենք հուսով ենք, որ հայ դաշնակիցները կօգտվեն այդ հնարավորությունից արդեն ոչ հեռու ապագայում»,- նշել է նա։
Զախարովան ընդգծել է, որ Ռուսաստանը համոզված է, որ ՀԱՊԿ-ն կարեւոր դեր է խաղալու ներկա պայմաններում տարածաշրջանային կայունության հարցում։ ՀԱՊԿ մոնիթորինգային առաքելությունը հայ-ադրբեջանական սահմանին, որի մասին որոշումը նախկինի պես «սեղանին է», բավական ծանրակշիռ գործոն կլիներ Հայաստանի անվտանգության ապահովման համար, ի տարբերություն ԵՄ առաքելության, որը շարունակում է ցուցադրել իր անարդյունավետությունը»,- ասել է նա։