Մեծ Բրիտանիայի իշխանությունները քննարկում են 16 տարեկանից ցածր երեխաների համար սոցիալական մեդիայի օգտագործման արգելքը սահմանելու հարցը՝ երիտասարդների շրջանում հոգեկան առողջության հետ կապված խնդիրների աճի ֆոնին, ուրբաթ գրել է Times թերթը:
«(Վարչապետ) Ռիշի Սունակը քննարկում է երեխաների կողմից սոցիալական մեդիայի օգտագործման սահմանափակումներ մտցնելու հարցը, քանի որ նախարարները մտահոգված են երիտասարդների շրջանում հոգեկան առողջության խնդիրների աճով: Մինչև 16 տարեկան անձանց համար բոլոր սոցիալական ցանցերի օգտագործման արգելքը դիտարկվող տարբերակներից մեկն է»,- ասվում է հրապարակման մեջ։
Միևնույն ժամանակ, կառավարությունը նաև ուսումնասիրում է տեխնոլոգիաների ներդրումը, որոնք կպահանջեն օգտատիրոջ ծննդյան ամսաթվի պարտադիր ստուգում և ծնողական վերահսկողության ուժեղացում, գրում է Times-ը։
Նշվում է, որ սոցիալական ցանցերի օգտագործման վերաբերյալ նոր կանոնակարգերի մշակումը վաղ փուլում է, և այժմ նախարարներին հանձնարարվել է ավելի լավ ուսումնասիրել սոցիալական ցանցերի և հոգեկան առողջության վատթարացման միջև կապը, գրում է թերթը։
