Chevrolet ամերիկյան ավտոարտադրողը թողարկել է Camaro մարզական մեքենայի վերջին նմուշը, գրել է «Մոտոր»-ը։
2023թ. նոյեմբերին Բոուլինգ Գրինի ձեռնարկությունում հավաքվել է Chevrolet Camaro-ի 6,2 լիտրանոց V8 շարժիչով վերջին նմուշը։
Կուլտային մոդելի թողարկումն ավարտվել է Լանսինգի գործարանում 2023թ. դեկտեմբերի կեսին։
Վեցերորդ սերնդի Chevrolet Camaro-ի վերջին նմուշը երկդռնանի ZL1 1LE-ն է, այն ունի 6-աստիճան մեխանիկական փոխանցատուփ։
Մոդելի հրաժեշտն արժանավոր է ստացվել՝ նկատի ունենալով այն, որ ԱՄՆ-ում շատ ավելի տարածված է ավտոմատ տրանսմիսիան, ոչ թե «մեխանիկան»։
«Camaro-ն կրքով ստեղծված արտադրանք է։ Մոդելը ստեղծել է երկրպագուների բազա ամբողջ աշխարհում եւ սերունդներ շարունակ մարդկանց բերել է Chevrolet-ի դիլերական կենտրոններ։ Վեցերորդ սերունդը հատկապես հետաքրքիր է իր ատլետիզմով եւ սառնարյունությամբ»,- մեկնաբանել են ամերիկյան արտադրողների ներկայացուցիչները։
