Միջազգային ատյաններում, նաեւ դատական ատյաններում արցախահայության իրավունքների, նրանց վերադարձի հարցերը քննարկման են դրվելու, որովհետեւ մարդիկ այնտեղ ունեն գույք, սեփականություն, եւ այսօրվա մարդու իրավունքների միջազգային նորմերը կարգվորում են այդ խնդիրը, որ մարդը կարող է վերադառնալ, պետք է ունենա այդ իրավունքները՝ իր գույքը տնօրինելու, օգտագործելու: Այս մասին այսօր՝ դեկտեմբերի 20-ին, ԱԺ-ում լրագրողների հետ զրույցում նշեց ԱԺ ՔՊ խմբակցության պատգամավոր, Պաշտպանության և անվտանգության հարցերի մշտական հանձնաժողովի փոխնախագահ Արմեն Խաչատրյանը:
«Բայց մենք ունենք մեկ այլ լուրջ խնդիր. Ադրբեջանի վարած քաղաքականությունը ակնհայտ ցույց է տալիս, որ արցախահայության որեւէ իրավունքները չեն կարող պահպանվել , եթե նրանք վերադառնան: Պարզ երեւում է, որ նրանց իրվունքների կրկնակի ոտնհարման ռեալ ռիսկեր կան: Սա բվականին երկարատեւ պրոցես է եւ դատական ակտերի արդյունքում կերեւա այդ ամեն ինչը»,-ասաց նա: