Ամերիկյան Tesla ընկերությունն ԱՄՆ-ից հետ է կանչում ավելի քան 120 հազար ավտոմեքենա՝ վթարի ժամանակ ներքին դռների բացման վտանգի պատճառով։ Այս մասին հայտնում է Reuters-ը։
Խոսքը Model S և Model X մոդելների մասին է։
Դեկտեմբերի 13-ին ընկերությունն արդեն հայտարարել է ԱՄՆ-ից ավելի քան 2 միլիոն ավտոմեքենա հետ կանչելու մասին՝ ավտոպիլոտային համակարգի հետ կապված խնդիրները շտկելու համար: Հետկանչը վերաբերում է Model S մեքենաներին, որոնք արտադրվել են 2012-ից 2023 թվականներին, Model X-ին՝ 2020-ից 2023 թվականներին, Model Y-ին և Model 3-ին, որոնք հավաքվել են 2017-ից 2023 թվականներին:
