Իրանի Քերման քաղաքում տեղի ունեցած ահաբեկչությունների հետաքննության շրջանակներում առնվազն 35 մարդ է ձերբակալվել, հայտնում է Tasnim-ը։

«Շարունակվում է Քերմանում ահաբեկչական հարձակումների պլանավորման, հրամանների արձակման և իրականացման մեջ ներգրավված մարդկանց նույնականացումը և կալանավորումը: Մինչ այժմ 35 մարդ է ձերբակալվել Քերման, Սիստան և Բելուջիստան, Ռազավի Խորասան, Սպահան, Արևմտյան Ադրբեջան և Թեհրան նահանգներում»,- գործակալությունը մեջբերում է Իրանի հետախուզության նախարարության հաղորդագրությունից։

Հետախուզական ծառայությունների տվյալներով՝ այս ահաբեկչություններին մասնակցած մի քանի անձինք բացահայտվել են Իրանի սահմաններից դուրս։

Հունվարի 3-ին Քերմանում մի քանի պայթյուն է տեղի ունեցել Իսլամական հեղափոխության պահապանների կորպուսի «Ղուդս» ուժերի նախկին հրամանատար, գեներալ Ղասեմ Սոլեյմանիի հիշատակի օրը, ով մահացել է Բաղդադում 2020 թվականի հունվարի 3-ին ԱՄՆ ռազմաօդային ուժերի ավիահարվածից հետո։ Ահաբեկչությունների զոհ է դարձել 84 մարդ։