![](img/news/80/21/38/default.jpg)
Մեծ Բրիտանիայի կառավարությունն օգտագործում է արհեստական բանականության AI Red Box համակարգը փաստաթղթերի ընթերցման եւ վերլուծության համար, ինչով պետք է զբաղվեն նախարարները, տեղեկացրել է Daily Mail-ը։
Պարբերականի տեղեկացմամբ՝ արհեստական բանականությունն այդ կերպ օգնում է պաշտոնյաներին «թղթերի կույտից» առանձնացնել առավել առաջնահերթները։
«Պահպանողական նախարար Ալեքս Բուրգհարթը խոստովանել է, որ օգտագործում է փորձնական AI Red Box-ը, որպեսզի ամեն օր իրեն կարդալու համար տրվող թղթերի կույտից ընտրի ամենակարեւորները»,- նշվել է տեքստում։
Այն օգտագործում է նաեւ մեկ նախարար, բարձրաստիճան պետական ծառայող Ալեքս Չիսոլմը, նշվել է հրապարակման մեջ։
Խորհրդարանական Սառա Օլնին, սակայն, քննադատել է արհեստական բանականության օգտագործումը երկրի կառավարությունում։ Նրա խոսքով՝ նույն հաջողությամբ կարելի է թույլ տալ, որ Բրիտանիան կառավարեն ռոբոտները։
«Եթե նրանք զլանում են ինքնուրույն կարդալ, մենք կարող ենք նույն հաջողությամբ թույլ տալ, որ ռոբոտները կառավարեն Բրիտանիան»,- ասել է քաղաքական գործիչը։