![](img/news/80/25/63/default.jpg)
Պեկինի ճանապարհային ոստիկանությունը շուտով կարող էստանալ առանց վարորդի էլեկտրական պարեկային մեքենաներ։ Նման 15 մեքենաներ արդեն փորձարկվում են Պեկինի առանց վարորդի վարման ցուցադրական գոտու տարածքում՝ Դաքսինգ շրջանում, հայտնում է Xinhua-ն։
Ինքնավար մեքենաներն ունեն թարթող լույսեր և այլ անհրաժեշտ սարքավորումներ, ի վիճակի են 24-ժամյա ոստիկանական պարտականություններ կատարել՝ համաձայնեցնելով Պեկինի հասարակական անվտանգության մունիցիպալ բյուրոյի աշխատակիցների հետ։ Անվարորդ ոստիկանական մեքենաների պարտականություններն են լինելու քաղաքային ճանապարհների պարեկությունը, իրադարձությունների անվտանգության ապահովումը, հայտարարությունների և նախազգուշացումների փոխանցումը և շտապ փրկարարական գործողությունները:
Անվարորդ պարեկային մեքենաներն օժտված են 4-րդ մակարդակի ինքնավար վարման տեխնոլոգիայով: Ունեն 100 կմ ընթացքի պաշար։ Մեքենաները համալրված են մի քանի սենսորներով՝ շրջանաձև տեսանելիությամբ և մինչև 120 մ հետևելու տիրույթով: