«Toyota Motor»-ը մի քանի տարուց վառելիքի հեղափոխական՝ կոշտ մարտկոցներ կստեղծի էլեկտրական մեքենաների համար: Այս մասին Հնդկաստանում կայացած ներդրումային գագաթնաժողովում հայտարարել է «Toyota Kirloskar»-ի (Toyota Motor-ի հնդկական դուստր ձեռնարկություն) ղեկավար Վիկրամ Գուլատին, հայտնում է Drom.ru-ն։
«Մի քանի տարի հետո մենք կսկսենք արտադրել կոշտ մարտկոցներով էլեկտրական մեքենաներ։ Նման մեքենաները կլիցքավորվեն 10 րոպեում, դրանց էներգիայի պաշարը կբավարարի 1200 կիլոմետրի համար»,- Գուլատիի խոսքերն է մեջբերում Reuters-ը։
2023 թվականին աշխարհում վաճառվել է 9,5 միլիոն էլեկտրական մեքենա, որից 6,2 միլիոնը՝ Չինաստանում, մոտ 80 հազարը՝ Հնդկաստանում։
