![](img/news/80/36/07/default.jpg)
Շվեդիայի արտաքին գործերի նախարար Թոբիաս Բիլստրյոմը չի կարծում, որ Շվեդիան պետք է նոր բանակցություններ սկսի Հունգարիայի հետ՝ ՆԱՏՕ-ին Շվեդիայի անդամակցության վերաբերյալ, գրում է Aftonbladet-ը։
Այդ մասին հայտարարել է երկրի արտաքին գործերի նախարարն այն բանից հետո, երբ Հունգարիայի վարչապետ Վիկտոր Օրբանը երեքշաբթի օրը նամակ է ուղարկել վարչապետ Ուլֆ Քրիստերսոնին, որում Օրբանը Շվեդիայի հայտի շուրջ նոր բանակցություններ է առաջարկել:
«Այս իրավիճակում բանակցություններ վարելու իմաստ չեմ տեսնում»,- ասել է Շվեդիայի ԱԳՆ ղեկավարը։
Միևնույն ժամանակ, ըստ Բիլստրյոմի, ինքը «բաց է երկխոսության համար», և զրույցի թեմաների պակաս չկա։
Շվեդիայի արտգործնախարարը նաև ասել է, որ կարծում է, որ Թուրքիան շուտով կհաստատի ՆԱՏՕ-ին երկրի հայտը։
«Թուրքիան շատ մոտ է մեզ վավերացնելուն։ Մենք կողջունենք այն, երբ դա տեղի ունենա»,- ասել է Բիլսթրոմը:
Հունգարիան և Թուրքիան, ինչպես հայտնի է, վերջին երկու երկրներն են, որոնք իրենց ազգային խորհրդարաններում դեռ չեն վավերացրել Հյուսիսատլանտյան դաշինքին Շվեդիայի միանալու արձանագրությունը և դրանով իսկ արգելափակում են նրա լիիրավ անդամակցությունը։
Դեկտեմբերի վերջին Թուրքիայի խորհրդարանի համապատասխան հանձնաժողովը հավանություն է տվել նախագծին։ Ըստ լրատվամիջոցների՝ հունվարի 23-ին այն կարող է ներկայացվել դատարան՝ քննարկման։