![](img/news/80/36/64/default.jpg)
Tesla ընկերությունը նախատեսում է 2025թ. կեսին նոր էլեկտրամեքենա արտադրել Redwood աշխատանքային անվանմամբ, տեղեկացրել է Reuters գործակալությունը՝ հղում կատարելով աղբյուրներին։
Մեքենան լինելու է «կոմպակտ քրոսովեր» զանգվածային օգտագործման համար։ Մեկնարկային գինը 25 հազար դոլար է։ Ավելի ցածր գինը թույլ կտա ընկերությանը մրցակցել չինական մրցակիցների հետ, ինչպիսին է BYD-ը, որը 2023թ. վերջին եռամսյակում առաջ է անցել Tesla-ից վաճառքի գծով, նշել է գործակալությունը։ Tesla-ն մտադիր է արտադրել մոտ 10 հազար էլեկտրամեքենա մեկ շաբաթում։
2023թ. նոյեմբերին ընկերության սեփականատեր Իլոն Մասկը ազդարարել էր Cybertruck նոր էլեկտրապիկապի վաճառքն սկսելու մասին Հյուսիսային Ամերիկայում, առաջին նմուշի ցուցադրումից չորս տարի հետո։ Մեկնարկային գինը ԱՄՆ-ում 61 հազար դոլար է։