Volkswagen-ի զարգացման ղեկավար Կայ Գրյունիցն արևմտյան մամուլին ասել է, որ ներկայիս Golf-ը վերջինն է ներքին այրման շարժիչով։ Այնուամենայնիվ, էլեկտրական մեքենաներին անցնելն ու համապատասխան անունների փոխարեն այբբենական թվային ինդեքսներով մոդելներն անվանելը Golf-ը պատմություն չեն դարձնի, գրում է Drom.ru-ն։
Ընդհակառակը, Կայ Գրյունիցը հաստատել է, որ ընկերությունն արդեն աշխատում է իններորդ սերնդի Golf-ի վրա, որն ամբողջությամբ էլեկտրական է լինելու։ «Նա մեր ապրանքանիշի սիրտն է, մենք չենք սպանի Golf-ին»,- Top Gear-ը մեջբերում է նրա խոսքերը:
Բնականաբար ծագող հարցին, թե այս դեպքում ինչպես է ընկերությունը շուկան բաժանելու էլեկտրական Golf-ի և նույն ձևաչափով Volkswagen ID.3 էլեկտրական մեքենայի միջև, նա պատասխանել է, որ ընկերությունում առաջնահերթությունը տալիս են Golf-ին. «Եթե մենք թողարկենք էլեկտրական Golf, այն պետք է լինի իսկական Golf: Այն պետք է նմանվի Golf-ի, ունենա Golf-ի արժեքը: Եվ պետք է լինի նաև GTI»:
Իններորդ սերնդի Golf-ը, որը կթողարկվի երեքից չորս տարի հետո, ինչպես Volkswagen AG-ի բոլոր ապրանքանիշերի հաջորդ սերնդի էլեկտրական մեքենաները, ընդհուպ Bentley-ն, կկառուցվի նոր միայնակ մոդուլային Volkswagen SSP հարթակի վրա: Այս կերպ ընկերությունն ակնկալում է արմատապես նվազեցնել ծախսերը և հասնել նախկինում անհասանելի արտադրության ճկունության:
