Tesla-ն հետ կկանչի ԱՄՆ-ում շրջանառության մեջ գտնվող 2,2 մլն ավտոմեքենա։ Պատճառը համակարգչի էկրանի պատկերակների չափերն են, որոնք, ըստ դաշնային կարգավորիչի, բավականաչափ մեծ չեն։
Ճանապարհների երթեւեկության անվտանգության ազգային վարչությունը (NHTSA) կարծում է, որ ոչ բավականաչափ մեծ պատկերակները կարող են վթարների պատճառ դառնալ, հաղորդում է Ամերիկայի ձայնը: Tesla-ն ասել է, որ տեղյակ չէ այս խնդրի հետևանքով առաջացած վթարի կամ վնասվածքի դեպքերի մասին, սակայն մտադիր է կատարել պահանջները: Խնդիրը կլուծվի ծրագրային ապահովման թարմացման միջոցով, որը Tesla-ի սեփականատերերից չի պահանջի գնալ սպասարկման կենտրոն:
Խոսքն ԱՄՆ ճանապարհներին առկա Tesla մոդելների մեծ մասի մասին է։ Դրանց թվում են վերջերս թողարկված Cybertruck պիկապը, Model X և Model Y ամենագնացները (մինչև 2024 թվական) և Model S և Model 3 սեդանները (մինչև 2023 թվականը):