Սենեգալի իշխանություններն անջատել են բջջային ինտերնետի հասանելիությունը սոցցանցերում այն նյութերի տարածման հետ կապված, որոնք բողոքի կոչ են անում ընդդեմ նախագահական ընտրությունների հետաձգման, տեղեկացրել է «Ֆրանս պրես» գործակալությունը՝ հղում կատարելով երկրի հեռահաղորդակցությունների նախարարությանը։
«Սոցիալական ցանցերում բազմաթիվ սադրիչ տեղեկությունների տարածման պատճառով, որոնք ատելություն են հրահրում եւ արդեն անկարգություններ են առաջացրել... բջջային ինտերնետի հասանելիությունը դադարեցվել է երեքշաբթի, փետրվարի 13-ին»,- գործակալությունը մեջբերել է նախարարության հայտարարությունը։
