Նավթի գինը հինգշաբթի իջնում է՝ նախօրեի նվազումից հետո, ԱՄՆ-ում հումքի պաշարների աճի մասին տվյալների հիման վրա։

Brent նավթի ապրիլյան ֆյուչերսների արժեքը Լոնդոնի ICE բորսայում կազմում է մեկ բարելը 81,26 դոլար, ինչը 0,34 դոլարով (0,42 տոկոս) ցածր է նախորդ աճուրդների արդյունքներից։ Չորեքշաբթի այդ պայմանագրերն էժանացել էին 1,17 դոլարով (1,4 տոկոս)՝ մեկ բարելը 81,6 դոլար։

WTI նավթի մարտյան ֆյուչերսները Նյու Յորքի ապրանքային բորսայի (NYMEX) էլեկտրոնային աճուրդներում իջել են 0,44 դոլարով (0,57 տոկոս)՝ մեկ բարելը 76,2 դոլար։ Նախորդ աճուրդների տվյալներով՝ այդ պայմանագրերի արժեքը իջել է 1,23 դոլարով (1,6 տոկոս)՝ մեկ բարելը 76,64 դոլար։