Տարածաշրջանը պայթյունավտանգ իրավիճակում է: Այս մասին այսօր՝ փետրվարի 24-ին, «Հայաստանը խաչմերուկում. ՀԱՊԿ, ՆԱՏՕ, թե արտադաշինքային կարգավիճակ» թեմայով քննարկումից առաջ լրագրողների հետ զրույցում ասաց վրացագետ Ջոն Մելիքյանը:
«Տարածաշրջանում ես չեմ տեսնում դեռեւս ինչ-որ փոփոխություն, իսկ ՀԱՊԿ-ի հետ հարաբերությունների սառեցումը նորություն չէր, մեկ տարվա ընթացքում, Հայաստանը ՀԱՊԿ-ի նիստերին չայցելելով եւ դեսպան չնշանակելով դիրքորոշում ցույց է տալիս: Դեռեւս ամենամեծ սպառնալիքը եսա տեսնում եմ Ադրբեջանի կողմից հերթական ագրեսիայի փորձը, որը մեծ հավանականություն ունի եի Ֆրանս-24-ի հետ հարցազրույցում նույնպես դրա մասին խոսվել է: Շատ-շատ բան ուկրաինական պատերազմի սցենարներից է կախված, որը քիչ թե շատ արդեն պարզեցնում է իրավիճակը, որ կա միտում, որ ի վերջո պետք է սառեցվի եւ ԱՄՆ ընտրություններից հետո որոշ գործընթաց պետք է սկսել, որը նաեւ իր ազդեցությունը կունենա մեր տարածաշրջանում: Բայց մինչեւ այդ տեսնենք՝ ինչ կլինի մեր տարածաշրջանում, որովհետեւ պայթունավտանգ իրավիճակում ենք»,- ասաց նա: