Եվրասիական տնտեսական միությունում մարտի 13-ից կսկսեն գործել անասնաբուժական դեղերի շրջանառության նոր կանոններ, տեղեկացրել է Եվրասիական տնտեսական հանձնաժողովի մամուլի ծառայությունը։
«Սահմանված կանոններն են. անասնաբուժական դեղերի գրանցման միասնական ընթացակարգեր եւ այլ ընթացակարգեր՝ կապված գրանցման հետ (գրանցման հաստատում, փոփոխությունների մտցնում եւ այլն); դրանց որակի, արդյունավետության եւ անվտանգության միասնական պահանջներ, ինչպես նաեւ դրանց գնահատման չափանիշներ; տեղեկատվական փոխգործակցության միասնական ձեւաչափ»,- նշվել է հաղորդագրությունում։
«Այս ամենը ավելի նպաստավոր պայմաններ կստեղծի անասնաբուժական դեղերի ընդհանուր շուկայի գործառնության եւ զարգացման համար»,- կարծում են ԵՏՀ-ում։
Գրանցման ընթացակարգերը կարող են իրականացվել ԵԱՏՄ անդամ պետությունների ազգային օրենսդրություններին համապատասխան՝ կանոնի ուժի մեջ մտնելու պահից մինչեւ 2027թ. դեկտեմբերի 31-ը, այդ դեղերի՝ միայն անդամ պետության տարածքում շրջանառության համար (անասնաբուժական դեղերի գրանցման վկայականները վավեր կլինեն համապատասխան պետության տարածքում հաջորդ 5 տարիների ընթացքում)։
Գրանցման վկայականները, որոնք տրվել են մինչեւ մարտի 13-ը, վավեր են ԵԱՏՄ մաքսային տարածքում ազգային օրենսդրություններով սահմանված ժամկետներում, բայց ոչ ուշ, քան մինչեւ 2027թ. դեկտեմբերի 31-ը։