Լոնդոնի Թագավորական կենսաբանական այգին (RBG) 2023թ. տեղեկացրել է, որ բոլոր հայտնի ծաղկավոր բույսերի 45 տոկոսը, ինչպես նաեւ անոթային բույսերի 77 տոկոսը ենթակա է անհետացման կլիմայի փոփոխության պատճառով։
Գիտնականները օգտագործել են արհեստական բանականության հնարավորությունները, որպեսզի կազմեն այդ անհետացող տեսակների (328 565 տեսակ) քարտադարանը։ Նրանց կանխատեսումների արդյունքները հրապարակվել են New Phytologist ամսագրում։
Գիտնականներն անհետացման մակարդակը գնահատելու համար օգտագործել են ադիտիվ ռեգրեսիայի բայեսյան ծառը (BART)։ Նրանք ուսումնասիրել են ավելի քան 53 000 տեսակներ, որոնք արդեն ներառված են անհետացող տեսակների ցուցակներ կազմող միջազգային կազմակերպության կողմից։ Դա թույլ է տվել արհեստական բանականության հիմքի վրա աշխատող մոդելին գեներացնել հավանական գնահատականը մնացած 275 004 տեսակների համար, որոնք դեռ գնահատված չեն։
Գիտնականները նաեւ նշել են, որ այդ գնահատականները «շարժվող թիրախներ» են. բույսերի մի տեսակի վիճակը կարող է լավանալ, մյուսներինը՝ հակառակը։ Դա նշանակում է բազային տվյալների թարմացում, որոնց հիման վրա կառուցվում են այդ մոդելները, ներառյալ Կարմիր գիրքը եւ անոթային բույսերի համաշխարհային վերահսկիչ ցուցակը։
