ԱՄՆ Կոնգրեսի գործողությունները չինական TikTok սոցիալական ցանցի նկատմամբ պետք է համարել բացահայտ կողոպուտ և արդար մրցակցության սկզբունքներին չհամապատասխանող։ Այս մասին հայտարարել է Չինաստանի ԱԳՆ պաշտոնական ներկայացուցիչ Վան Վենբինը` մեկնաբանելով ցանցի հնարավոր արգելքն ԱՄՆ-ում, եթե այն չվաճառվի։

«Ես ուրիշների մոտ լավն եմ տեսել, ինքս ինձ համար դա ստանալու միջոց կգտնեմ: Սա բացարձակապես թալանչիական տրամաբանություն է»,- ճեպազրույցում ասաց նա։

Չինացի դիվանագետի խոսքով՝ ամերիկյան կողմը գործում է արդար մրցակցության սկզբունքներին և միջազգային առևտրի կանոններին հակառակ։ Վանգ Վենբինը պարզաբանել է, որ Միացյալ Նահանգները «երբեք ապացույցներ չեն ունեցել, որ TikTok-ը վտանգ է ներկայացնում ազգային անվտանգության համար»։

Չորեքշաբթի օրն ԱՄՆ Ներկայացուցիչների պալատը պաշտպանեց TikTok-ի հնարավոր արգելքը։ Օրենսդիրներն առաջարկում են վեց ամիս ժամանակ տալ ByteDance գործող ընկերությանը՝ այս սոցիալական ցանցը վաճառելու համար։ Հաջորդիվ նախաձեռնությունը կուղարկվի Սենատ՝ քննարկման։ ԱՄՆ նախագահ Ջո Բայդենն ավելի վաղ հայտարարել էր, որ պատրաստ է ստորագրել համապատասխան օրինագիծը։