![](img/news/81/29/79/default.jpg)
Իսրայելի վարչապետ Բենիամին Նեթանյահուն հեռախոսազրույց է ունեցել ԱՄՆ նախագահ Ջո Բայդենի հետ, հայտնում է Today in Israel-ը։
Իսրայելի կառավարության ղեկավարի գրասենյակի տվյալներով՝ զրույցը տեւել է մոտ 45 րոպե, փոխանցում է Vesti Israel-ը։
«Մենք խոսեցինք պատերազմի զարգացումների մասին, Իսրայելի հանձնառության մասին՝ հասնելու իր բոլոր նպատակներին. վերացնել Համասին, ազատել մեր բոլոր պատանդներին, երաշխավորել, որ Գազայի հատվածն այլևս սպառնալիք չներկայացնի Իսրայելի համար, և միևնույն ժամանակ ապահովել. անհրաժեշտ մարդասիրական օգնության առաքումը, որը կօգնի հասնել այդ նպատակներին»,- նշել է նա։
Ըստ CBS News-ի՝ սա նրանց առաջին զրույցն էր ավելի քան մեկ ամսվա ընթացքում։
Սպիտակ տան ազգային անվտանգության հարցերով խորհրդական Ջեյք Սալիվանն ասել է, որ ԱՄՆ նախագահը Նեթանյահուին ասել է, որ «խորապես մտահոգված է Իսրայելի կողմից Ռաֆահում խոշոր ռազմական գործողություններ իրականացնելու հեռանկարով»:
«Մեր դիրքորոշումն այն է, որ ՀԱՄԱՍ-ին չի կարելի ապաստան տալ Ռաֆահում կամ որևէ այլ վայրում: Սակայն խոշոր ցամաքային գործողություն իրականացնելն այնտեղ սխալ կլիներ: Դա կհանգեցնի ավելի շատ անմեղ քաղաքացիական անձանց մահվան, կվատթարացնի առանց այն էլ սարսափելի մարդասիրական ճգնաժամը և ավելի կմեկուսացնի Իսրայելը միջազգային մակարդակով:
Նեթանյահուն համաձայնել է պատվիրակություն ուղարկել Վաշինգտոն՝ լսելու Սպիտակ տան առաջարկը այլ մոտեցման վերաբերյալ, որը կներառի Ռաֆահում ՀԱՄԱՍ-ի դեմ թիրախավորված հարվածներ՝ առանց լայնամասշտաբ ցամաքային հարձակման անհրաժեշտության: Հիմնական նպատակները, որոնց Իսրայելը ցանկանում է հասնել Ռաֆահում, կարելի է հասնել այլ միջոցներով»,- ասել է նա: