Իսրայելը Գազայի հատվածում «պատերազմի մեջ է», բայց պատրաստվում է սցենարների՝ կապված այլ ասպարեզներում առկա մարտահրավերների հետ: Այսպիսի հայտարարություն է արել վարչապետ Բենիամին Նեթանյահուն՝ Թել Նոֆ ավիաբազա կատարած այցի ժամանակ, որտեղ հանդիպել է F-15 կործանիչներ շահագործող 133-րդ էսկադրիլիայի անձնակազմի հետ։
«Մենք գտնվում ենք Գազայում պատերազմի մեջ, որը շարունակվում է ամբողջ ուժով: Բայց մենք նաև պատրաստվում ենք այլ ասպարեզներում մարտահրավերներ պարունակող սցենարների: Մենք պարզ կանոն ենք սահմանել՝ ով մեզ վնասի, մենք նրան վնաս կհացնենք։ Մենք պատրաստ ենք բավարարել Իսրայել պետության անվտանգության բոլոր կարիքները՝ ինչպես պաշտպանական, այնպես էլ հարձակողական»,- ասել է կառավարության ղեկավարը։ Ավիաբազայում Նեթանյահուի ելույթի տեսագրությունը հրապարակել է նրա գրասենյակը։