News
Լրահոս
News
Երեքշաբթի
Մայիս 21
Տեսնել լրահոսը

Իսրայելին Իրանի հարվածից հետո, երկուշաբթի օրը միջազգային ավիաընկերությունները բախվել են թռիչքների խափանումների, գրում է Reuters-ը։

Իսրայելի վրա Իրանի հարձակումը ավելի քան 300 հրթիռներով և անօդաչու սարքերով, որոնց մեծ մասը խոցվել է Իսրայելի հակաօդային պաշտպանության կողմից՝  ԱՄՆ-ի աջակցմամբ, «քաոս է առաջացրել ավիացիոն արդյունաբերության մեջ»,- նշում է գործակալությունը:

Ավելի քան մեկ տասնյակ ավիաընկերություններ վերջին երկու օրվա ընթացքում ստիպված են եղել չեղարկել թռիչքները կամ փոխել երթուղիները, այդ թվում՝ Qantas-ը, Lufthansa-ն, United Airlines-ը և Air India-ն:

Թռիչքների կառավարման OPSGROUP խորհրդատվական ընկերության հիմնադիր Մարկ Զիի կարծիքով, դա ավիափոխադրումների ամենամեծ խափանումն էր 2001 թվականի սեպտեմբերի 11-ի Համաշխարհային առևտրի կենտրոնի վրա հարձակումներից հետո։:

«Այդ ժամանակից  մենք չենք ունեցել այնպիսի իրավիճակ, երբ այդքան արագ փակվեր տարբեր օդային տարածքների նման քանակություն,  դա քաոս է ստեղծում»,- ասել է փորձագետը՝ հավելելով, որ խափանումները, հավանաբար, կտևեն ևս մի քանի օր:

Սա նոր հարված է ավիացիոն ոլորտին, որը նախկինում բախվել է բազմաթիվ սահմանափակումների՝ Իսրայելի և ՀԱՄԱՍ-ի միջև հակամարտության, ինչպես նաև Ուկրաինայի պատերազմի պատճառով։

Իրանի օդային տարածքն օգտագործվում է ավիաընկերությունների կողմից Եվրոպայի և Ասիայի միջև թռիչքների համար, և այդ փոխադրողները կարող են սահմանափակվել երկու այլընտրանքային երթուղիներով՝ կա՛մ Թուրքիայով, կա՛մ Եգիպտոսով ու Սաուդյան Արաբիայով, ասել է Զին:

Իսրայելը շաբաթ օրը փակել է իր օդային տարածքը, իսկ կիրակի առավոտյան՝ վերաբացել։ Հորդանանը, Իրաքը և Լիբանանը նույնպես վերսկսել են թռիչքները իրենց տարածքներով։

Մերձավոր Արևելքի խոշորագույն ավիաընկերությունները, ներառյալ Emirates Airlines-ը, Qatar Airways-ը և Etihad Airways-ը, կիրակի օրը հայտարարել են, որ կվերսկսեն իրենց գործունեությունը տարածաշրջանում՝ որոշ չվերթներ չեղարկելուց կամ փոխելուց հետո:



!
Այս նյութը հասանելի է նաև   Русский
Տպել
Կարդացեք նաև
Ամբողջը
Միջազգային քրեական դատարանի դատախազը պահանջել է Նեթանյահուին ձերբակալելու օրդեր տալ
ՄՔԴ-ն պահանջել է Իսրայելի վարչապետի ձերբակալման օրդեր տալ...
Իսրայելի ՌՕՈւ-ն տեղեկացրել է, որ մեկ օրում գրոհել է մոտ 80 թիրախ Գազայի հատվածում
Իսրայելի բանակի մամուլի ծառայության տեղեկացմամբ՝ հարձակման ենթարկված թիրախներից են զինապահեստները, արձակման կայանքները, ռազմական օբյեկտները եւ ենթակառուցվածքի այլ տարրեր...
Գազայի հատվածի ափերի մոտ ծովային նավամատույց է բացվել՝ մարդասիրական օգնություն հասցնելու համար
Սպասվում է, որ ժամանակավոր լողացող նավամատույցը կկարողանա տեղավորել մինչև 150 բեռնատար սնունդ, որոնք մատակարարվում են Միջերկրական ծովում նավերով ամեն օր...
Թուրքիան մայիսից ամբողջությամբ դադարեցրել է Իսրայելի հետ առևտուրը
Բոլաթն ավելի վաղ ասել էր, որ Իսրայելի հետ առևտուրը դադարեցնելու՝ թուրքական կառավարության որոշումը ուժի մեջ կմնա այնքան ժամանակ, մինչև Իսրայելը չդադարեցնի հարձակումները Գազայի վրա...
Իսրայելը շրջանցում է Գազայում հրադադարի հասնելու ջանքերը. Եգիպտոսի նախագահ
Սիսին հավելել է, որ Իսրայելն իր ռազմական գործողությունները Եգիպտոսի հետ սահմանամերձ Ռաֆահում շարունակելով՝ քաղաքի սահմանային անցակետն օգտագործում է պաղեստինյան կողմում Գազայի պաշարումն ուժեղացնելու նպատակով...
Արաբական երկրների ղեկավարները կպահանջեն ՄԱԿ խաղաղապահներ մտցնել Պաղեստին. ԶԼՄ
Արաբական պետությունների լիգան կպահանջի խաղաղապահներ մցտնել Պաղեստին...
Ամենաշատ