News
Լրահոս
News
Կիրակի
Մայիս 19
Տեսնել լրահոսը

Մեր նպատակը պայմանագիրը խզելը կամ հեռուստաալիքները փակելը չէ (ռուսաստանյան - խմբ.), մենք կողմնակից ենք, որ կողմերը հավատարիմ լինեն փաստաթղթին (Զանգվածային հաղորդակցության ոլորտում համագործակցության հայ-ռուսական պայմանագիր - խմբ.)։ Այս մասին ապրիլի 15-ին լրագրողների հետ հանդիպման ժամանակ ասաց Հայաստանի բարձր տեխնոլոգիական արդյունաբերության նախարար Մխիթար Հայրապետյանը։

Նա վստահեցրեց, որ նախարարությունը հեռուստատեսային հաղորդումները փակելու խնդիր չի դրել, և եթե համաձայնագրի կետերը պահպանվեն, ապա Հայաստանը, անկախ հրավիրված հյուրերի նկատմամբ վերաբերմունքից, հավատարիմ է իր ստորագրությանը։

Հայրապետյանը կրկնեց, որ եթե ՀՀ կառավարության առաջարկները չընդունվեն, ապա Երևանը կարող է քննարկել պայմանագիրը խզելու հարցը, սակայն քննարկվում են նաև այլ պատժամիջոցներ։

«Եթե չլինեին նման բովանդակությամբ հաղորդումներ, ապա մեր օրակարգում նման հարց երբեք չէր առաջանա։ Հայաստանի կառավարությունը պետք է պաշտպանի հայ հեռուստադիտողի արժանապատվությունը։. Մենք կառուցողական ենք տրամադրված և ուզում ենք հասկանալ, թե ինչու չենք կարող արձանագրել, որ եթե խախտում է եղել, ուրեմն պետք է հետևանքներ ունենա»,- ընդգծեց նա։

Հիշեցնենք, որ 2024 թվականի մարտի վերջից Հայաստանում արգելվել է ռուս լրագրող Վլադիմիր Սոլովյովի հաղորդումների հեռարձակումը։

Նախարարը պարզաբանեց, որ խոսքը ռուսաստանյան ալիքների մասին է, հայ-ռուսական միջկառավարական համաձայնագրի, որը նախանշում է խաղի կանոնները հանրային մուլտիպլեքսով հեռարձակման վերաբերյալ, այդ թվում՝ Ռուսաստանում Հայաստանի հանրային հեռուստատեսության հեռարձակման հնարավորությունը։

Վերջինս, ըստ նրա, փաստարկվում է նրանով, որ տեխնիկական, օրենսդրական կամ այլ պատճառներով դա (Հանրային հեռուստաընկերության հեռարձակումը ռուսական մուլտիպլեքսով - խմբ.) անհնար է։

«Համաձայնագրում նշվում է նաև կողմերի համար անընդունելի բովանդակություն։ Սակայն համաձայնագրի պայմանները չկատարելու դեպքում պատժամիջոցների կիրառման հստակ մեխանիզմներ չկան։ Մենք ստորագրել ենք փաստաթուղթը՝ ակնկալելով, որ ի հայտ եկած խնդիրները կլուծվեն խորհրդակցությունների միջոցով։ Ժամանակի ընթացքում եկանք այն եզրակացության, որ խորհրդակցությունների ընթացքում տարաձայնություններ են առաջանում՝ կոնկրետ հայտարարությունը խոսքի ազատությո՞ւն է, թե՞ փաստաթղթի որևէ կետի խախտում»,- նշեց Հայրապետյանը՝ հավելելով, որ առաջիկայում Հայաստանը առաջարկությունների փաթեթ  կներկայացնի։  

Նա հայտնեց, որ Ռուսաստանն ու Հայաստանը երկու խորհրդակցություն են անցկացրել, սակայն կողմերը կոնսենսուսի չեն եկել։



!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանում հակառուսական տրամադրություններն առաջացել են Ռուսաստանի գործողությունների արդյունքում. պատգամավոր
Նա վստահեցրեց, որ եթե անգամ Հայաստանում հակառուսական տրամադրություններ կան, դրանք չեն գեներացվում երկրի իշխող ուժի կամ իշխանության կողմից...
Ես անտրամաբանական համարեցի պատասխանել իմ ռուս գործընկերոջ հարցին. Ազգային ժողովի հանձնաժողովի նախագահ
Խանդանյանը պարզաբանեց, որ իր պատասխան նամակում նշել է այն սկզբունքները, որոնցով առաջնորդվում են իշխանությունները Հայաստանի շահերի, տարածքային ամբողջականության և ինքնիշխանության պաշտպանության առումով...
Զախարովան մեկնաբանել է ՌԴ զինվորականների դուրսբերումը Հայաստանի մարզերից
Զախարովան մեկնաբանել է ռուս զինվորականների դուրսբերումը Հայաստանից...
Զախարովա. ՌԴ-ն միշտ հավատարիմ է եղել եւ առաջնորդվել է Հայաստանի հետ հարաբերությունների դաշնակցային մակարդակով
Ռուսաստանը միշտ հավատարիմ է եղել Հայաստանի հետ դաշնակցային հարաբերություններին...
Ռուս սահմանապահները պատրաստվում են դուրս գալ Երասխից. գյուղապետ
Սահմանային կետում այս պահին շարժ կա, նախապատրաստական աշխատանքներ են ընթանում...
«Զվարթնոց» օդանավակայանում ՌԴ ԱԴԾ սահմանային անցակետն առաջիկայում կփակվի. Բորտնիկով
Միաժամանակ, նա ընդգծել է, որ ռուս սահմանապահները մնում են երկրում և հայկական կողմի խնդրանքով կհսկեն Թուրքիայի և Իրանի հետ սահմանը...
Ամենաշատ