ԱՄՆ-ի սահմանը հատող առանց փաստաթղթերի միգրանտների թվում են նրանք, որոնք կալանավորվել են այլ երկրների բանտերում կամ հոգեբուժարաններում: Այս մասին երեքշաբթի օրը WGAL-ին տված հարցազրույցում ասել է ԱՄՆ նախկին նախագահ Դոնալդ Թրամփը։
«Նրանք (ներկայիս ամերիկյան վարչակազմը) որոշեցին, որ մեզ անհրաժեշտ են բաց սահմաններ, որոնք թույլ կտան մարդկանց ամբողջ աշխարհից մուտք գործել մեր երկիր՝ բանտերից, հոգեբուժարաններից: Մենք բոլորին ընդունում ենք»,- ասել է նա։
Միաժամանակ Թրամփը խոստովանել է, որ ներգաղթյալների մեջ կան մարդիկ, որոնք օգուտներ են բերում ԱՄՆ-ին։
Ամերիկացի նախկին առաջնորդը պարբերաբար քննադատում է ԱՄՆ ներկայիս նախագահ Ջո Բայդենի ներգաղթային քաղաքականությունը՝ պնդելով, որ դրանք երկիրը վերածել են «աղբավայրի մնացած աշխարհի համար»։ Թրամփը նաև խոստանում է անհապաղ փակել ԱՄՆ սահմանը անօրինական միգրանտների համար, եթե հաղթի նոյեմբերին կայանալիք նախագահական ընտրություններում։
