Շվեդիայի վարչապետ Ուլֆ Քրիստերսոնը հնարավոր է համարել երկրի տարածքում միջուկային զենքի տեղակայումը մեծ ռազմական հակամարտության դեպքում, տեղեկացրել է Aftonbladet-ը։
Պատասխանելով Շվեդիայի տարածքում Միացյալ Նահանգների հետ ունեցած ռազմական համագործակցության մասին երկկողմ պայմանագրում միջուկային զենքի տեղակայման պաշտոնական արգելքի մասին հարցին՝ նա հայտնել է, որ Ստոկհոլմը մշակել է «երկու նախագիծ»։
«Մենք մշակել ենք երկու նախագիծ։ Դրանցում ասվում է, որ Շվեդիան հայտնել է խաղաղ ժամանակ հողի վրա մշտական զորքերի կամ միջուկային զենքի բացակայության մասին»,- ասել է Քրիստերսոնը։
Միեւնույն ժամանակ նա նշել է, որ ռազմական գործողությունների ժամանակ «դա միանգամայն այլ բան է»։
«Պատերազմի պայմաններում ողջ ՆԱՏՕ-ն օգուտ է ստանում միջուկային հովանոցից, որը պետք է գոյություն ունենա այնքան ժամանակ, քանի դեռ Ռուսաստանը զենք ունի։ Սակայն Շվեդիան պատասխանատու է շվեդական տարածքի համար»,- ընդգծել է նա։
