Երևանում խաղաղ անհնազանդության ակցիաներ իրականացնող անձանցից 38-ը տարվել են ոստիկանություն։ Այս մասին NEWS.am-ին հայտնեցին ՆԳՆ ոստիկանության լրատվական ծառայությունից։
«38 քաղաքացի բերվել են ոստիկանության տարբեր բաժիններ ՀՀ վարչական իրավախախտումների մասին ՀՀ օրենսգրքի 182–րդ հոդվածով»,– հայտնեցին ոստիկանությունից։
Հիշեցնենք, որ Երևանում վաղ առավոտից կրկին մեկնարկել են անհնազանդության խաղաղ ակցիաները։ Ակցիա իրականացնող քաղաքացիներն արգելափակել են Աբովյան, Տերյան, Հրաչյա Քոչար, Մոսկովյան ու Հանրապետության փողոցները և Նալբանդյան-Սայաթ-Նովա ու Թումանյան-Խանջյան խաչմերուկները։ Մայրաքաղաքի մի շարք փողոցներում այս պահին մեծաթիվ ոստիկանական ուժեր են կուտակված։