![](img/news/82/33/00/default.jpg)
Մեծ Բրիտանիան կշարունակի հավանություն տալ Իսրայել զենքի արտահանմանը, հայտարարել է երկրի փոխվարչապետ Օլիվեր Դաուդենը։ Նա նշել է, որ իսրայելական լայնամասշտաբ գործողությունը Ռաֆահում ինքնին չի հանգեցնի բրիտանական զենքի մատակարարումների ընդհատմանը։
«Սպառազինությունների արտահանման վերահսկմանն առնչվող մեր գնահատականն ամենախիստերից մեկն է աշխարհում... Ոչ մի գործողություն կարմիր գիծ չէ»,- Էր Ռիադում Մեծ Բրիտանիայի և Սաուդյան Արաբիայի միջև առևտրային համաժողովի շրջանակում հայտարարել է Դաուդենը: Նա հավելել է, որ Իսրայել զենքի արտահանումը, որի մասին օրեր առաջ հայտարարել էր Մեծ Բրիտանիայի արտգործնախարարը, կշարունակվի։
Դաուդենը նշել է, որ Ռաֆահի հետ կապված՝ շարունակում են համագործակցել իսրայելցիների հետ՝ օգնության մատակարարման և խաղաղ բնակչության շրջանում զոհերը նվազագույնի հասցնելու հարցում: