Անահիտ Մանասյանը մայիսի 20-ին Կրթության և վերապատրաստման Ֆրանկոֆոնիայի ինստիտուտի տնօրեն Մոնա Լառուսի հետ հանդիպման ժամանակ հատուկ անդրադարձ է կատարվել Լեռնային Ղարաբաղից բռնի տեղահանված անձանց իրավունքների պաշտպանությանը, մասնավորապես` հանրակրթական ուսումնական հաստատություններում երեխաների կրթության իրավունքի ապահովմանը։ Այս մասին հայտնում է ՄԻՊ հանրային կապերի բաժինը:
Հաղորդագրության մեջ ասվում է, որ հանդիպման ընթացքում Անահիտ Մանասյանը ներկայացրել ՄԻՊ մանդատը, աշխատանքային առաջնահերթությունները, գործունեության ուղղությունները, ինչպես նաև ներկայումս Հայաստանում մարդու իրավունքների պաշտպանության ոլորտում առկա մարտահրավերները։
Նշվում է նաև, որ Անահիտ Մանասյանն ընդգծել է կանանց, երեխաների, ազգային փոքրամասնությունների, հաշմանդամություն ունեցող անձանց իրավունքների, զինված ուժերում մարդու իրավունքների պաշտպանության, ատելության խոսքի, անհանդուրժողականության մթնոլորտի, խտրականության դեմ պայքարի և մի շարք այլ ոլորտներում իրականացվող աշխատանքների կարևորությունը, որոնք միտված են մարդու իրավունքների պաշտպանության ամուր և արդյունավետ համակարգ ձևավորելուն։
