News
Լրահոս
News
Երեքշաբթի
Հունիս 18
Տեսնել լրահոսը

Հայաստանի օրենսդրությունը թույլ չի տալիս  սփյուռքահայերի ներուժը լիարժեքորեն կենսագործել: Այս մասին, այսօր՝ մայիսի 23-ին, Տավուշի թեմի առաջնորդ Բագրատ Սրբազանի հետ հայրենադարձների հանդիպման ժամանակ ասաց սփյուռքահայերից մեկը:

Նա դիմելով Բագրատ Սրբազանին, ասաց. «Դուք, որպես այս շարժման առաջնորդ, կարեւոր դեր ունեք խաղալու, որ կարելի է Հայաստանում եւ Հայաստանից դուրս գործող իրավաբանների խումբ ստեղծել, որ այդ օրենսդրական մեծ փաթեթի հայեցակարգը մշակեն: Դրա մեջ կարող է լինել նաեւ խորքային հայրենադարձության հայեցակարգի մշակումը, որովհետեւ այս երկու խնդիրներն իրար հետ կապված են:

Երկրորդը, Հայաստանը պետք է դառնա այնպիսի ուժեղ պետություն, որ մեր թշնամիների ատամները կոտրվեն, ձեռքները կոտրվեն, եթե համարձակվեն մեր դեմ դուրս գալ: Գերագույն արժեք պետք է հռչակվի Հայաստանի անվտանգությունը, տարածքային ամբողջականությունը»,-ասաց նա:

Սփյուռքահայը նաեւ հարց ուղղեց, թե ինչու Հայ բարեգործական ընդհանուր միությունը, որ մշտապես սերտ կապի մեջ է Հայ եկեղեցու հետ, 2018-ից ի վեր զորակցություն չի հայտնել եկեղեցուն, որի դեմ ՀՀ իշխանությունն արշավ է սկսել:

Բագրատ Սրբազանն արձագանքեց. «Հայաստանն ունի բոլորն հնարավորությունները թե ֆիզիկական իմաստով, թե հոգեւոր, մտավոր, բարոյական իմաստով, ձեր ասած երկիրը դառնալու համար: Ոչ մի պատճառ չկա, որ այդպիսին չլինի: Դա պահանջում է ուժերի կենտրոնացում եւ 24 ժամ աշխատանք։ Մենք դժվար կացության մեջ ենք այսօր, բայւց նույնիսկ այս իրավիճակում ճիշտ կիրառում գործադրելու դեպքում անկարելի է, որ հաջողություն չունենա:

Կարեւոր է, թե ինչ նպատակ է սահմանել երկիրը: Սահմանե՞լ է, որ պետք է լինի զորավոր, անվտանգ երկիր, թե ոչ: Թե՞ ասում է՝ թշնամիները ինչ ուզեն, պետք է հանձնենք, որ լինենք անվտանգ: Անվտանգությունը միայն ռազմականը չէ, նաեւ միտքն է, աշխարհի հետ հարաբերություններն են, ներքին օրակարգն է:

Ամենամեծ անվտանգային խնդիրը հասարակական լայն հաշտությունն է:

Շատ մասնագետներ կան, որ անվտանգային դոկտրին են պատրաստում: Անցյալից էլ ունենք, որոնք մերժելի չեն»:

Ինչ վերաբերում է ՀԲԸՄ-ի դիրքորոշմանը, Սրբազանն ասաց. «Ես համաձայն չեմ, որ չեն հայտարարել, մի քանի անգամ տարբեր առիթներով, երբեմն շատ կոնկրետ դեպքի հետ կապված եղել են թե հայտարարություններ, թե ընդվզումներ: Եկեղեցու դեմ տեղի ունեցող այդ անհասկանալի հալածանքների ծիրից ներս իր հստակ կեցվածքն ունի»:

!
Այս նյութը հասանելի է նաև   Русский
Տպել
Ամենաշատ