Արգենտինայի նախագահ Խավիեր Մայլին ասել է, որ ինքն իր բոլոր ճամփորդությունների ժամանակ դառնում է սենսացիա և աշխարհի ամենահայտնի քաղաքական գործիչն է։
«Ես հասկանում եմ, որ արգենտինացի քաղաքական գործիչների մեծ մասը փոքր է, այլ կերպ ասած՝ աննշան, անհայտ, առանց միջազգային փայլի։ Ես այդ դեպքը չեմ: Պարզապես մտածեք Դավոսի ելույթի [Համաշխարհային տնտեսական ֆորումի հանդիպման ժամանակ], Պահպանողական քաղաքական գործողությունների համաժողովի ելույթի, Time [ամսագրի] շապիկի մասին: Իմ ցանկացած ելույթը սենսացիա է։ Իրականում ես աշխարհի ամենահայտնի քաղաքական գործիչն եմ»,- ասել է նա հինգշաբթի LN+ հեռուստաալիքին տված հարցազրույցում։
Մայլիի խոսքով՝ իր միջազգային ժողովրդականությունը հաստատվում է, մասնավորապես, ձեռնարկատեր Իլոն Մասկի հետ հանդիպումով և ֆինանսիստներ Մայքլ Միլքենի և Սթենլի Դրուկենմիլերի գովասանքով։ Արգենտինայի ղեկավարը նաև համոզված է, որ իր նկատմամբ ուշադրությունը ի շահ երկրի է։ «Սա մարքեթինգ է Արգենտինայի համար: Մենք Արգենտինային կրկին դնում ենք աշխարհի ուշադրության կենտրոնում»,- ասել է նա:
