News
Լրահոս
News
Երկուշաբթի
Հունիս 17
Տեսնել լրահոսը

Իշխանափոխությունը Հայաստանում ամենից շատ Ռուսաստանին է պետք, որ մենք մնանք նրանց վասալները։ Այս մասին մայիսի 27-ին NEWS.am-ի թղթակցի հետ զրույցում ասաց իշխող «Քաղաքացիական պայմանագիր» կուսակցության պատգամավոր Գագիկ Մելքոնյանը։

Նրա կարծիքով՝ Ռուսաստանին դուր չի գալիս, որ Հայաստանն ինքնուրույն քաղաքականություն է վարում։ «Հիմա մենք չենք հարցնում` կարո՞ղ ենք որոշակի երկրների հետ հարաբերություններ զարգացնել, թե՞ ոչ։ Դա նրանց խոցում է: Մենք կա՛մ միշտ թույլտվություն ենք վերցրել, կա՛մ մեր փոխարեն խոսել են»,- նկատեց պատգամավորը։

Նա վստահեցրեց, որ «Տավուշը հանուն հայրենիքի» շարժումը հրահրվել է Ռուսաստանի կողմից, և Հայաստանի իշխանությունները տեսնում են, թե ով է կանգնած դրա հետևում։ «Ասում են, որ Ռուսաստանից ավտոերթով Հայաստան են գնում։ Ինչի՞ համար։ Որպեսզի մեր պետությունը չլինի։ Այս շարժման թիկունքում կանգնած են նրանք, ովքեր վաճառել են մեր երկիրը և տվել Ռուսաստանին։ Մենք 30 տարի անկախ պետություն չենք եղել, քանի որ մեր արտաքին քաղաքականությունը միշտ ղեկավարել է Ռուսաստանը։ Մինչև 2020 թվականը մենք չէինք մտածում այլ երկրների հետ զենքի առևտրի մասին, և մեր ամբողջ հույսը Ռուսաստանի վրա էր։ Այսօր մենք արտաքին քաղաքականություն ենք վարում, և ոչ ոք չի կարող ասել, թե ում հետ ընկերություն անենք, թե ոչ»,- ընդգծեց Մելքոնյանը։

Իսկ Ադրբեջանի նախագահի հնչեցրած պահանջները, նրա գնահատմամբ, ուղղված են հանրային լսարանին։ «Եթե բոլորն Ալիևին ասեն՝ գնա գրողի ծոցը, նա դա այլևս չի ասի։ Պետք չէ անհանգստանալ, թե ինչ է ասում Ալիեւը կամ ինչ են ասում Ռուսաստանից։ Հիմա Ալիևն ասում է, որ ինքը ցանկացել է, և այս գյուղերը տվել են իրեն։ Իսկ մինչ այդ ի՞նչ էր ասում։ Նա ասում էր, որ կհարձակվի և կվերցնի այս գյուղերը»,- հավելեց պատգամավորը։

Միաժամանակ Մելքոնյանը խոստովանեց, որ 30 տարի Հայաստանը հաղթանակած երկիր է եղել, այդ պատճառով էլ այս գյուղերի հարցերը չեն առաջացել։

«Բայց հայկական կողմը չհասկացավ, թե ինչպես պետք է իրեն պահի հաղթանակած երկիրը։ Մենք մեզ ավելի վատ պահեցինք, քան պարտվող կողմը»,- եզրափակեց նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երբ ընդդիմությունը դառնում է ոչինչ, ուրեմը սեղմված է վատթարագույն զարգացումների ժամացույցի կոճակը. Ստեփան Դանիելյան
Երկրները կայուն են այն ժամանակ, երբ կա քաղաքական համակարգ' կառավարող և ընդդիմադիր, որոնք...
Այսօր կմեկնարկի Վահագն Մախսուդյանի գործով դատական առաջին նիստը
Դուխներդ չգցեք, շարունակեք մեր արդար պայքարը»,-դատարանի շենքից դուրս գալիս հայտարարել էր Վահագնը...
«Փաստ». Փողոցով իշխանության եկածները խոսում են փողոցով իշխանության գալու... անթույլատրելիության մասին
Ի մասնավորի, նա նշել է, թե «2018 թվականին տեղի է ունեցել ոչ բռնի, թավշյա, ժողովրդական հեղափոխություն»...
«Հրապարակ». Օրենքի տառը չի պահպանվել
Հիշեցնենք, որ «Հայաստանի Հանրապետության օրհներգի մասին» ՀՀ օրենքի 3-րդ հոդվածը հստակ սահմանում է, որ...
«Փաստ». Քաղաքական ինքնասպանություն. հեռացման հետհաշվարկի ժամացույցը միացած է
Գուցե միայն լիովին չի գիտակցում, որ այդ օրը նա քաղաքական ինքնասպանություն գործեց: Դե, նախորդ վեց տարին...
«Հրապարակ». Անի Սամսոնյանի եւ Էդմոն Մարուքյանի միջեւ սեւ կատու է անցել
Ի դեպ, ԼՀԿ-ն թեպետ հանդիպեց Բագրատ սրբազանին, մասնակցեց վերջինիս նախաձեռնությամբ քաղաքական...
Ամենաշատ
Ֆոտոռեպորտաժներ