Հայաստանում գտնվող ՌԴ քաղաքացիները կարող են մարտի 4-ին մասնակցել Ռուսաստանի նախագահի ընտրությանը:
Հայաստանում ՌԴ դեսպանատնից NEWS.am-ին հայտնում են, որ
Երեւանում, Արարատի, Արագածոտնի, Կոտայքի,Գեղարքունիքի, Սյունիքի, Տավուշի մարզերում մշտապես բնակվող եւ ժամանակավոր գտնվող Ռուսաստանի քաղաքացիները կարող են քվեարկել մարտի 4-ին ժամը 08.00-ից մինչեւ 20.00-ն № 5015 ընտրատարածքում Հայաստանում ՌԴ դեսպանությունում հետեւյալ հասցեում` Երեւան, Գրիգոր Լուսավորչի փողոց, տուն 13-ա:
Լոռիի եւ Շիրակի մարզերում մշտապես բնակվող եւ ժամանակավոր գտնվող Ռուսաստանի քաղաքացիները կարող են քվեարկել մարտի 4-ին ժամը 08.00-ից մինչեւ 20.00-ն №5020 ընտրատարածքում ՌԴ գլխավոր հյուպատոսությունում հետեւյալ հասցեում` Գյումրի, Գարեգին Նժդեհի փողոց, տուն 1:
Ընտրաթերթիկները ստանալու համար անհրաժեշտ է ներկայացնել անձնագիր կամ այլ` ՌԴ քաղաքացու անձնագիրը փոխարինող փաստաթուղթ: