Հայաստանի գյուղատնտեսության նախարարությունը քննարկում է Բաքվում կայանալիք FAO-ի տարածաշրջանային համաժողովի պատվիրակության կազմը: Այդ մասին NEWS.am-ի թղթակցին ասաց նախարարության արտաքին կապերի եւ մարքեթինգի բաժնի ղեկավար Անդրանիկ Պետրոսյանը: FAO-ի հերթական համաժողովն անցկացվելու է Բաքվում ապրիլի 17-19-ին:
Նախորդ համաժողովն անցկացվել էր Երեւանում 2010 թ-ին, որին մասնակցել էր Ադրբեջանի պատվիրակությունը` գյուղատնտեսության նախարարի գլխավորությամբ: Ադրբեջանական լրատվամիջոցների հաղորդմամբ, որոնք վկայակոչում են դիվանագիտական անանուն աղբյուները, առաջիկա համաժողովին Հայաստանը եւս կմասնակցի նախարարի մակարդակով:
Պետրոսյանի խոսքով`նախարարությունը Հռոմում FAO-ի կենտրոնական բյուրոյից արդեն ստացել է Բաքու այցելելու հրավեր եւ քննարկում է պատվիրակության կազմը: «Առայժմ քննարկում ենք պատվիրակության մասնակցության հնարավորությունը փոխնախարարի ղեկավարությամբ»,-ասաց Պետրոսյանը` ընդգծելով, որ նախարարության վերջնական որոշումը դեռեւս չկա:
