Նիգերիայի Գոմբա քաղաքում զինված հարձակում է իրականացվել բանտի եւ ոստիկանական բաժանմունքի վրա, զոհվել է առնվազն չորս մարդ:
Գրոհայիններն սկզբում գործի են դրել պայթուցիկ սարքը, իսկ հետո կրակ են բացել: Երկու ժամ տեւած փոխհրաձգության արդյունքում վիրավորվել են իրավապահ մարմինների մի քանի աշխատակիցներ:
Տեղական իշխանությունները ենթադրում են, որ հարձակումը կատարել են իսլամական արմատական «Բոկո Հարամ» խմբավորման գրոհայինները, հաղորդում է «Մոսկովսկի կոմսոմոլեցը»:
Հիշեցնենք, որ փետրվարի 20-ին ահաբեկչություն էր իրականացվել Մայդուգուրի քաղաքի շուկայում, զոհվել էր մոտ 30 մարդ: