Ականատեսները հայտնում են, որ Նիգերիայի հյուսիս-արեւելքում գտնվող Գոմբե քաղաքում ոստիկանական բաժանմունքի վրա գրոհայինների հարձակման հետեւանքով 14 մարդ է զոհվել:
Ավելի վաղ հաղորդվել էր չորս զոհերի մասին: Տեղական լրատվամիջոցների ներկայացուցիչը լրագրողներին հաղորդել է, որ ոստիկանական բաժանմունքի մոտ 14 այրված դիակներ է տեսել, հաղորդում է AFP-ն:
Ինչպես ավելի վաղ հայտնել էր NEWS.am-ը, փետրվարի 25-ի առավոտյան գրոհայինները սկզբում պայթուցիկ սարքեր են գործի դրել, այնուհետեւ սկսել են կրակել: 2 ժամ տեւած հրաձգության ընթացքում վիրավորվել են իրավապահ մարմինների մի քանի աշխատակիցներ:
Տեղական իշխանությունները կարծում են, որ հարձակումը կատարել են իսլամական ծայրահեղական «Բոկո հարամ» խմբավորման գրոհայինները:
