Հարավային Օսիայի Կենտրոնական ընտրական հանձնաժողովը գրանցել է հանրապետության նախագահի երկրորդ թեկնածուին: Նա Մարդու իրավունքների հանձնակատար Դավիդ Սանակոյեւն է:
Հիշեցնենք, Հարավային Օսիայի նախագահի առաջին թեկնածուն ՊԱԿ-ի նախկին ղեկավար Լեոնիդ Տիբիլովն էր:
Ինը թեկնածուների ԿԸՀ-ն հրաժարվել է գրանցել, հաղորդում է «Ինտերֆաքսը»:
Այսօր ավելի վաղ ԿԸՀ-ն հաղորդել էր, որ Հարավային Օսիայի նախագահի պաշտոնի հավակնորդ, խորհրդարանում նախագահի նախկին ներկայացուցիչ Տարզան Կոկոյտին հրաժարականի հայտ է ներկայացրել:
Գրանցված թեկնածուների վերջնական ցուցակը ԿԸՀ-ն կհրապարակի փետրվարի 29-ին: Հարավային Օսիայի նախագահի լրացուցիչ ընտրությունները նշանակված են մարտի 25-ին: