Պա դե Կալեից կառավարող «Միություն հանուն ժողովրդական շարժման» սենատոր Նատաշա Բուշարը հայտարարություն է տարածել, որում ափսոսանք է հայտնում ցեղասպանությունների, այդ թվում` Հայոց ցեղասպանության ժխտումը քրեականացնող օրենքի վերաբերյալՍահմանադրական խորհուրդ դիմելու առնչությամբ:
«Nouvelles dArménie»-ում հրապարակված սենատորի հայտարարության մեջ, մասնավորապես, ասվում է.
«Խորապես ափսոսում եմ, որ 77 սենատորներ եւ 65 պատգամավորներ օրինագիծը Սահմանադրական խորհուրդ ներկայացնելու որոշում են ընդունել:
Այդ օրինագիծն ուղղված չէ որեւէ պետության խարանելուն, այլ քրեորեն պատժելու նրանց, ովքեր օգտվում են իրավաբանական սողանցքից` որեւէ համայնքի, հատկապես, հայ համայքնի հասցեին անընդունելի արտահայտություններ թույլ տալու համար:
Հանուն միլիոնավոր զոհերի, հանուն այն բանի, որպեսզի նրանք կարողանան խաղաղ հանգչել, մենք պետք է գործենք: Խոսքն այն մասին է, որ հնարավորություն տանք մի ողջ ժողովրդի ներդաշնակ ապրելու իր անցյալի հետ:
Հուսով եմ, շահագրգիռ կողմերը ոչ մի ճնշում չեն գործադրի կամ խոչընդոտներ չեն ստեղծի Սահմանադրական խորհրդի անդամների համար, եւ նրանք կկարողանան օրինագծի սահմանադրականության հարցը որոշել հանգստ եւ անաչառ պայմաններում:
Հանուն քաղաքականության եւ Հանրապետության պատվի, եւ ելնելով հայ համայնքի նկատմամբ հարգանքից, մենք այլեւս չենք կարող թույլ տալ մեզ սպասել. այդ օրենքը պետք է այսօր հրապարակվի»: