Մարտի 2-ին, ժամը 07.10-ի սահմաններում, տաքսի ծառայություններից մեկին պատկանող «ՎԱԶ-2107» մակնիշի ավտոմեքենան Ազատության պողոտայում, «Գոլդեն Փելես» հյուրանոցի մոտ, բախվել է կայանված «ԶԻԼ» մակնիշի ավտոմեքենայի:
Ոստիկանության հասարակայնության հետ կապերի եւ լրատվության վարչությունից հայտնում են, որ պատահարի հետեւանքով տաքսու վարորդը մարմնական վնասվածքներով տեղափոխվել է հիվանդանոց, կատարվում է քննություն:
Նույն օրը, ժամը 15.00-ի սահմաններում, Երեւանի Խանջյան փողոցում իրար են բախվել «Ռենո» եւ «Մերսեդես» մակնիշի ավտոմեքենաներ: Պատահարի հետեւանքով «Մերսեդես»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
