Հայաստանի բնապահպանության նախարարությունը հրապարակել է Ամուլսարի ոսկու հանքավայրի ծրագիրը: Հանքավայրը գտնվում է Հայաստանի Վայոց Ձորի եւ Սյունիքի մարզերի սահմանագլխին: Տեղադրված է Սյունիքի մարզի Գորայք բնակավայրից 6կմ հյուսիս-արեւմուտք եւ 9 կմ հարավ Վայքի Կեչուտ գյուղից:
Հանքավայրի մակերեսը (ըստ լիցենզիայի) կազմում է 79.8 հա: Հանքավայրի Տիգրանես տեղամասի պաշարները, ըստ վերջին տվյալների, կազմում են` 52.6 տոննա ոսկի եւ 210 տոննա արծաթ:
Հանքավայրի շահագործման պատճառով հասցված տնտեսական վնասը գնահատվել է տարեկան 3.2 մլն դրամ: Տնտեսական վնասը հաշվի է առնում՝ բնակչության առողջության վատթարացման հետ կապված ծախսերը, գյուղատնտեսությանը, անտառային եւ ձկնային տնտեսություններին հասցված վնասը, արդյունաբերությանը հասցված վնասը:
Նշենք, որ հանքավայրը շահագործելու իրավունքը պատկանում է «Գեոթիմ» ընկերությանը: