Մարտի 24-ին ճանապարհատրանսպորտային խոշոր պատահար է տեղի ունեցել Մեծ Բրիտանիայի արեւմուտքում:  Վեսթ Միդլանդս կոմսությունում բախվել են ուղեւորատար ավտոբուսն ու բեռնատարը, արդյունքում  մեկ մարդ զոհվել է, եւս  37-ը վիրավորվել:

Ներկայումս բրիտանական ամենախոշոր М5 ավտոմայրուղով երթեւեկությունը դադարեցված է, տեղեկացնում է ԻՏԱՌ- ՏԱՍՍ-ը:

Հաղորդվում է, որ վիրավորներից երկուսը ծանր վիճակում են: Ինչպես հայտնում է  Life News-ը,  վիրավորներին դուրս բերելու համար ստիպված են եղել կտրել տրանսպորտային միջոցը:  Տուժածների թվում երեխաներ չկան: