Ռուսաստանն ԱՄՆ-ին մտահոգություն է հայտնել Աֆղանստանի միջազգային ուժերի կազմում գտնվող վրացական անձնակազմին զենք մատակարարելու առնչությամբ: Այդ մասին, այսօր` մարտի 27-ին, ճեպազրույցում հայտարարել է ՌԴ ԱԳՆ պաշտոնական ներկայացուցիչ Ալեքսանդր Լուկաշեւիչը: Նա ընդգծել է, որ ռուսական կողմը սկզբունքորեն կարեւոր է համարում այն, որ Աֆղանստանում վրացական անձնակազմի օգտագործած սպառազինությունները հանկարծ չհայտնվեն Վրաստանում:
Լուկաշեւիչը կարծում է, որ Աֆղանստանի անվտանգության աջակցության միջազգային ուժերի կազմում Վրաստանի մասնակցությունը հաճախ օգտագործվում է որպես առիթ Վրաստանի ռազմական վերապատրաստման համար, հաղորդում է «Նեզավիսիմայա գազետան»:
Ռուսաստանի ԱԳՆ-ի պաշտոնական ներկայացուցիչը հիշեցրել է, որ 2011թ. ԱՄՆ-ի դեսպանությունը ՌԴ-ին տեղեկացրել է Աֆղանստանում վրացական անձնակազմին սպառազինություններ եւ զրահատեխնիկա մատակարարելու ծրագրերի մասին:
