Լիբիայի հարավ-արեւմուտքում գտնվող Սեբհա քաղաքում միջէթնիկական բախումների արդյունքում մարտի 27-ին զոհվել է առնվազն 25 մարդ, մոտ հարյուրը վիրավորվել է:
Ինչպես հաղորդում է «Ինտերֆաքսը», հակամարտությունը տեղի է ունեցել երկու ցեղախմբերի միջեւ: Բախումների պատճառ է դարձել ցեղախմբերից մեկի անդամին մյուսի կողմից սպանելու փաստը:
«Agence France-Presse»-ը նշում է, որ երկու ցեղախմբերի միջեւ զինված բախումները շարունակվում են այս տարվա փետրվարի կեսերից: Որոշ տվյալներով` դրանք արդեն 136 մարդու կյանք են խլել, հարյուրավորները վիրավորվել են: