Արաբական պետությունների լիգայի (ԱՊԼ) գագաթաժողովի արդյունքներով Իրաքում ընդունվել է Սիրիայի իրադրության վերաբերյալ «Բաղդադյան հռչակագիր»: Միջարաբական կազմակերպության նախկին փաստաթղթերի հետ համեմատած` այս հռչակագիչն ավելի զուսպ է երեւում:
Նոր փաստաթղթի հիմքում ընկած է խաղաղ կարգավորման նախագիծը, որն առաջարկվել էր հատուկ պատվիրակ Քոֆի Անանի կողմից: ԱՊԼ-ն Դամասկոսից պահանջում է ընդդիմության հետ սկսել լուրջ երկխոսություն: հռչակագրում Սիրիայի նախագահ Բաշար Ասադի հրաժարականի մասին պահանջ չի հնչում: Եւ առանձին նշված է երկրի ներքին գործերին արտաքին միջամտության անթույլատրելիության մասին, հայտնում է vesti.ru-ն:
Ավելացնենք, որ գագաթաժողովի ընթացքում Բաղդադի փողոցներում հերթապահում էին ուժային կառույցների շուրջ 100 հազար աշխատակիցներ: Եվ, այնուամենայնիվ, առանց սադրանքների չի անցել: Վարչական թաղամասին մոտակայքում երկու պայթյուն է որոտացել: Տուժածների մասին չի հաղորդվում:
