Թուրքիայի խորհրդարանում կրթական նոր՝ 4+4+4 համակարգի հետ կապված քննարկումների ժամանակ հերթական ծեծկռտուքն է տեղի ունեցել։
Թուրքական Hurriyet-ի փոխանցմամբ՝ իշխող «Արդարություն եւ զարգացում» կուսակցության պատգամավոր Մեհմեդ Մեթիները «անդաստիարակ» է անվանել այդ պահին ամբիոնի մոտ ելույթ ունեցող ընդդիմադիր «Ժողովրդա-հանրապետական» կուսակցության պատգամավոր Վելի Աղբաբային։ Վերջինս պատասխանել է Մեհմեդ Մեթիներին, ինչից դժգոհ Մեթիները մոտեցել է ամբիոնին, ապտակել Աղբաբային եւ սեղմել նրա կոկորդը։ Մյուս պատգամավորներին հաջողվել է իրարից բաժանել նրանց, սակայն ավելի ուշ իշխող եւ ընդդիմադիր պատգամավորների միջեւ խոշոր ծեծկռտուք է սկսվել։
