Փարիզում Հոլոքոստի հուշահամալիրում պատմաբաններն ապրիլի 4-ին իրենց տեսակետը կներկայացնեն Հայոց ցեղասպանության ժխտումը քրեականացնող օրենքի անհրաժեշտության մասին, հաղորդում է Հոլոքոստի հուշահամալիրի կայքը:
Հիշեցնենք, որ 2012 թ. հունվարին Ֆրանսիայի խորհրդարանն ընդունեց Հայոց ցեղասպանության ժխտումը քրեականացնող օրենքը, որը հետագայում չեղյալ համարվեց Սահմանադրական խորհրդի կողմից:
Միջոցառմանը կմասնակցեն «Փարիզ 4» համալսարանի դասախոս, պատմական գիտությունների դոկոտր Իվ Թերոնը, «Փարիզ 8» համալսարանի դասախոս, պատմաբան Ռայմոնդ Գեւորգյանը, Ֆրանսիայի գիտական հետազոտությունների ազգային կենտրոնի հետազոտությունների հարցերով տնօրեն Քլեր Մուրադյանը: Հանդիպումը կանցկացվի իրավաբան եւ պատմաբան Սերժ Քլարսֆելդի ղեկավարությամբ: